Komandanın əksər üzvləri Almaniyanın aparıcı universitetlərində Informasiya Texnologiyaları və İnformasiya Mühəndisliyi ixtisasları üzrə ali təhsil almışdır.
Qurduğumuz sistemlərin "alman dəqiqliyi" ilə işləyəcəyinə əmin ola bilərsiniz.

Bütün komanda üzvləri artıq uzun illərdir Alman, Holland, İngilis, Sinqapur, ABŞ, Koreya və s. beynəlxalq şirkətlərində yüksək mürəkkəblik dərəcəli sistemlər qurmaqdadır.

Komandamızı Azərbaycan da daxil olmaqla Almaniya, Braziliya, Moldova, Kolumbiya və Fransadan olan peşəkar insanlar təşkil edir. Komanda üzvlərinin birlikdə toplam təcrübəsi 40 ildən çoxdur.

Ən son dizayn trendlərini izləməmiz, ən qabaqcıl texnologiya və metodları tətbiq etməmiz bizim hazırladığımız sistəmləri həmişə orta-satistik işdən fərqləndirir. Bunu həm gözlə, həm də sistemin işləmə sürətilə müşahidə etmək mümkündür.

Hazırladığımız sistemlərdə bütün kommunikasiya xüsusi protokollarla şifrələnir və "bəd-niyyətli" üçüncü şəxslər tərəfindən müdaxilə üçün əlçatmaz olur.
Eyni zamanda verilənlər bazası gündəlik nüsxələnir və fəlakət zamanı asanlıqla bərpa olunmaya nail olunur.

Həssas dizayn (Responsive Design) yanaşması ilə sistemin istənilən ölçüdə cihaz və pəncərələrdə problemsiz göstərilməsini hədəfləyirik.
300, 1440 və ya 9999 piksel ekran enliyi, bizim hazırladığımız sistemlər üçün bunun heç bir fərqi yoxdur.

Çoxillik beynəlxalq təcrübə, təhvil verdiyimiz kodun "qorxulu gecə yuxusu"-na çevrilməsinin qarşısını alır.
Asanlıqla nəzərdən qaçırılan və qəsdən gizlədilən bu amil, əslində sizin etdiyiniz maliyyə yatırımının uzunmüddətli uğura çevrilə bilməsi üçün vacibdir.
Kiçikdən-böyüyə hazırladığımız bütün sistemlərin arxasında duran kod, onun gələcəkdə yenidən istifadə olunmasını və böyüməsini mümkün edir.

Kodlaşdırma zamanı yalnız ən mütərəqqi texnologiyalardan istifadə edirik. Bununla siz ən son "sənayə standartı" səviyyəsində sistem əldə etmiş olursunuz.